Што очекуваат охриѓани од новите локални власти?

Охриднет утрово спроведе анкета на едно избирачко место во градот. Кои се очекувањата на граѓаните од новите локални власти ?

– Очекуваме повеќе врботувања, решавање на статусот на младите, за да не го напуштаат Охрид, вели еден охриѓанец.

-Новите власти да бидат потранспарентни. Отворени за народот. Да ги слушнат нашите проблеми и да ги решаваат, а не да бидат затворени во канцеларија. Да бидат меѓу народот, порача друг охриѓанец.

– Поголема хигиена. Почист Охрид. Според мене малку внимание се посветува на хит=гиената а имаме навистина голем број туристи, вели една охриѓанка.

– Очекуваме повеќе нови работни места за младината. Повисок животен стандард. Се надеваме на решавање на бројните градски проблеми, вели друга охриѓанка.